من طرف همسة قلب الخميس نوفمبر 03, 2011 7:58 amمن يامنك يا كحل الراس
ماشينك بطبيعة
السن يضحك للسن
و القلب فيه الخديعة
طاقوا على الدين تركوه
و تعاونوا على شريب القهاوي
الثوب من فوق نقوه
و الجبح من التحت خاوي
الشاشية تطبع الراس
الوجه تضويه الحسانة
المكسي يقعد مع الناس
العريان نوضوه من الجماعه
لا يعجبك نوار الدفلى
في الواد داير ظلايل
لا يعجبك زين الطفلة
حتى تشوف الفعايل
حيط الرمل لا تعليه
يعلى يرجع لساسو
ابن الغير لا تربيه
يكبر و يرجع لناسو
الخيل هبة من الريح
و البل هي الشريفة
البغال قرصة من الهند
و الحمار هو العيفة
اللي يركب يركب أشهب
طرز الذهب في لجامو
اللي يدور يقول كلمة الحق
يدير هراوة في حزامو
أنا الي رقيت في رقوب
و قعدت مثل الرصاص نذوب
من لا يقرأ للزمان عقوبة
يجي على راسو مكبوب
الدنيا مثلتها دلاعة
تتكركب مع جميع الدلاع
الحاذق يعطي معاها ساعة
و الجايح غدا معها قاع
تخلطت و لابات تصفى
و لعب خزها فوق ماها
رياس على غير مرتبة
هما سبب خلاها
الكاتبة تنادي و معاها الخير
و لو كان من بعيد تجيها
و الخاطي عليك من يديك يطير
رزقك من قبل ما هو فيها
ما كان كي الحرث تجارة
ما كان كي الأم حبيب
ما كان كي الشر خسارة
ما كان كي الدين طليب
لا ف الجبل واد معلوم
و لا ف الشتاء ريح دافي
لا ف العدو قلب مرحوم
و لا ف النساء عهد وافي
الزيت يخرج من الزيتونة
و الفاهم يفهم لغات الطير
ألي ما تخرج كلمته ميزونة
يجحرها في ضميرو خير
وش رايكم
ماشينك بطبيعة
السن يضحك للسن
و القلب فيه الخديعة
طاقوا على الدين تركوه
و تعاونوا على شريب القهاوي
الثوب من فوق نقوه
و الجبح من التحت خاوي
الشاشية تطبع الراس
الوجه تضويه الحسانة
المكسي يقعد مع الناس
العريان نوضوه من الجماعه
لا يعجبك نوار الدفلى
في الواد داير ظلايل
لا يعجبك زين الطفلة
حتى تشوف الفعايل
حيط الرمل لا تعليه
يعلى يرجع لساسو
ابن الغير لا تربيه
يكبر و يرجع لناسو
الخيل هبة من الريح
و البل هي الشريفة
البغال قرصة من الهند
و الحمار هو العيفة
اللي يركب يركب أشهب
طرز الذهب في لجامو
اللي يدور يقول كلمة الحق
يدير هراوة في حزامو
أنا الي رقيت في رقوب
و قعدت مثل الرصاص نذوب
من لا يقرأ للزمان عقوبة
يجي على راسو مكبوب
الدنيا مثلتها دلاعة
تتكركب مع جميع الدلاع
الحاذق يعطي معاها ساعة
و الجايح غدا معها قاع
تخلطت و لابات تصفى
و لعب خزها فوق ماها
رياس على غير مرتبة
هما سبب خلاها
الكاتبة تنادي و معاها الخير
و لو كان من بعيد تجيها
و الخاطي عليك من يديك يطير
رزقك من قبل ما هو فيها
ما كان كي الحرث تجارة
ما كان كي الأم حبيب
ما كان كي الشر خسارة
ما كان كي الدين طليب
لا ف الجبل واد معلوم
و لا ف الشتاء ريح دافي
لا ف العدو قلب مرحوم
و لا ف النساء عهد وافي
الزيت يخرج من الزيتونة
و الفاهم يفهم لغات الطير
ألي ما تخرج كلمته ميزونة
يجحرها في ضميرو خير
وش رايكم
